Зголемување на свесноста за компјутерската безбедност

Опис (општи карактеристики) на модулите за курсевите:

Со рапидната експанзија на ИКТ технологиите, сѐ повеќе информациите се обработуваат и чуваат на дигитален начин. Иако компјутерските системи се сѐ по софистицирани, сепак процентуално бројот на, компјутерски упади и примери за одлевање на критични податоци, расте. Повеќе од 60% од овие инциденти се случуваат заради човечка грешка, најмногу бидејќи нивото на ИКТ култура и свесноста за безбедноста меѓу вработените во компаниите не може да го следи трендот на новите хетерогени мрежни апликации. Оваа обука се фокусира на запознавање на вработените со ризиците и заканите за денешните информациски системи, како и потенцирање на практиките на „добро работење“, со цел вработените да дознаат како побезбедно и посовесно да работат со доверливите податоци и критичните софтверски апликации. Бидејќи нарушувањето на безбедноста на информациските системи – директно влијае на бизнисот на компаниите.

Цели на учење:

• Зголемување на дигиталната писменост и информатичката култура на индивидуата

• Предочување и потенцирање на важноста од безбедносните правила и принципи, како и давање на насоки како тие да не пречат во секојдневната работа.

• Зголемување на нивото на свесност за ризиците и заканите при секојдневното користење на компјутерите.

• Насоки за безбедно и посовесно работење.

• Предлог алатки и мерки кои треба да се преземат за да се оперира во согласност со Законот за заштита на лични податоци..

Целни групи:

Обуката е наменета за вработени во сите оддели од компаниите кои работат со компјутери или користат алатки за софтверска обработка на податоци.

Со цел да се следи обуката, потребно е учесниците да имаат елементарни познавања за компјутерски системи, кои што се стекнуваат со секојдневна работа со компјутери.

Иако се работи за стручни информатички области, не е потребно кандидатите да имаат никаква предходна обука или напредни познавања за горенаведените теми, бидејќи нивото на обуката е прилагодено на нивото на кандидатите.

Компјутерската безбедноста денес не е само препорака туку и законска обврска. Секој кој што работи со информации од статешка важност за една компанија, мора да е свесен за ризиците и последиците со кои се соочува, во своето секојдневие.

Времетраење:

Број на денови: 1

Број на часови: 4 часа од по 45 минути

Детална содржина на обуката:

1. Security awareness презентација

• Презентација за колку е во суштина важна безбедноста;
• Големи загуби на големи компании;
• Примери за тиични упади;
• DLP — Data leakage protection;
• Social engineering.

2. Оперативни системи:

• Безбедноста на Microsoft Windows;
• Безбедност на Linux/Android/iPhone.

3. Основи на компјутерски мрежи

• Начин на функционирање на Интернетот;
• Запознавање со основни поими и концепти;
• HTTP, DNS — принципи на функционирање;

4. Безбедно работење

• Business continuity;
• Бекап на податоци;
• Енкрипција на податоци;
• Видови лозинки, чување на лозинки;
• Ажурирање на софтверот;
• Енкрипција на е-меил пораки.

5. Заштита на лични податоци

• Законски барања и прописи;
• Мерки кои треба да се преземат;
• Заштита на клиентите и странките;
• Предлог софтвери кои можат да помогнат во следење на состојбата и управување со инцидентите.

6. Безбедноста и напредните светски трендови:

• Cloud computing;
• Big data, Machine learning;
• Останати технологии.