Студенти
Македонски (Macedonian)English (United Kingdom)

Студенти

Нов проект со Универзитетот од Модена

 

Централно Европската Иницијатива (CEI) преку Програма за размена на знаења (KEP) Италија, одобри проект „Воведување на современи методи на учење во Македонија со употреба на италијански искуства“, на кој корисник на знаењето е Факултетот за бизнис економија - Скопје.

Доделување на дипломи 2020

Ве информираме дека на ден 14.02.2020 година (петок) ќе биде одржано свеченото доделување на дипломите. Доделувањето ќе започне од 13:30 часот во амфитеатарот и Ве замолуваме да сте најдоцна на ФБЕ до 13.20 часот.

 

Конкурс за Еразмус+ мобилности на кадар

Согласно Erasmus + Повелбата за Високо Образование (Erasmus Charter for Higher Education) за периодот 2014-2020 година и склучените меѓуинституционални Еразмус договори, Факултетот за бизнис економија објавува Kонкурс за мобилност на наставен и ненаставен (административен) кадар во рамките на Еразмус + програмата, во летниот семестар во академската 2019/2020 година.

Мобилноста се остварува во рамките на високообразовни установи со кои ФБЕ има склучено институционални договори (листата може да ја прегледате на следниот линк).

Услови за избор:

1.     кандидатот да има статус на вработен на ФБЕ и

2.     бројот на претходни учества на Еразмус+ мобилности.

Заинтересираните кандидати потребно е да ја достават следната документација:   

  1. покана од институција – домаќин за мобилност во рамките на Еразмус+ програмата (Invitation letter);
  2. кратка биографија;
  3. потврда за редовен работен однос и претходни учества на Еразмус + мобилност и 
  4. договор за мобилност на кадар пополнет од страна на кандидатот, вклучително со Предложената програма за работа, односно план за мобилност кој е составен дел од Договорот за мобилност.

Заинтересираните кандидати може да се обратат за информации кај Еразмус + координаторот, м-р Мартин Киселички, до кого се доставуваат документите за аплицирање.   

Рокот за аплицирање за мобилност на наставен и ненаставен (административен) кадар во рамките на Еразмус + програмата, во летниот семестар во академската 2019/2020 година е од 10.02.2020 година до 21.02.2020 година.

ФБЕ започнува со имплементација на нов Еразмус+ проект

 

ФБЕ започнува имплементација на Еразмус+ КА2 проект (Економија на одржливост), заедно своите проектни партнери Универзитето за економија од Катовице, Универзитетот од Фиренца, Универзитетот од Марибор, Високата школа за Финансиски студии од Загреб и Вилниаус колеџот од Вилниус.

Одржани еднодневни обуки на тема „Со бизнис план до успех“ и „Виртуелно претприемништво“

 

На Факултетот за бизнис економија Скопје се одржаа еднодневни обуки за матурантите од средното училиште СУГС „Лазар Танев“. Обуките на тема „Со бизнис план до успех“ и „Виртуелно претприемништво“ беа спроведени од страна на д-р Адријана Булевска-Зариќ.

Известување за неработни денови

Почитувани,

Ве информираме дека Факултетот нема да работи во период од 31.12.2019 до 10.01.2020 година поради новогодишните и божиќните празници. Факултетот почнува со работа на 13.01.2020 година (понеделник).

 

Публикуван е нов број од Списанието за одржлив развој


Почитувани посетители,
Објавен е новиот, 22-ри број од Списанието за одржлив развој во издание на Факултетот за Бизнис економија. Истиот можете да го погледнете на следниот линк.

 

Распоред за февруарска сесија

Почитувани студенти, распоредот можете да го видите на следниот линк.

Во прилог е февруарската сесија која започнува од 03.02.2020 година, а пријавувањето на испитите е од: 28.01.2020 – 30.01.2020 година.

 

Трансфер на студии на ФБЕ

 

Изградете ја вашата иднина и дозволете ни да ве водиме низ светот на бизнисот! Доколку припаѓате на некоја од следниве категории, Факултетот за бизнис економија (ФБЕ) ви нуди можност за трансфер на студиите:

Втора интернационална конференција и недела

 

Факултетот за бизнис економија и Институтот за бизнис економија ја организираат Втората Еразмус + меѓународна недела во Скопје, Р. Македонија од 4 до 8 мај 2020 година.

Страница 2 од 19

2