• Додипломските студии траат 3 студиски години (6 семестри) и со нивно завршување се стекнуваат 180 ЕКТС и звање Дипломиран економист/ Bachelor of economics.

II. Услови и критериуми за запишување на додипломски студии

1. Право на запишување на додипломски студии имаат кандидатите со завршено средно четиригодишно образование и имаат положено државна или меѓународна матура.

2. Право на запишување имаат и кандидати со завршено четиригодишно средно образование (пред учебната 2007/2008 и во учебната 2019/2020) кои не полагале државна матура.

3. Право на запишување имаат кандидатите кои имаат завршено четиригодишно образование или образование соодветно на тоа надвор од Р. Северна Македонија, со нострифицирана диплома во МОН.

4. Трансферот на студенти се врши врз основа на доставено уверение за положени испити и утврдување на соодветност на студиските програми.

5. Странските државјани се запишуваат на студии под истите услови како и државјаните на Р. Северна Македонија. При упис во документацијата, странските државјани мора да поседуваат доказ за познавање на јазикот соодветно на програмата на која се запишуваат, а кое не може да биде пониско од ниво „Б/intermediate“.

6. Кандидатите се запишуваат како редовни и вонредни студенти со самофинансирање на студиите.